viernes, 1 de octubre de 2010

De la puerte casa a la mar

Güey, cerramos la puerte casa na Sierra Los Vientos, Cuideiru y vamos bañamos na mar

Pal sur, nos cumales, los viradeles tán quietos, non ruxen; güey nun hay aire

Na cuenye la manzorga, ñáz el riu Panizal que muerre nel riu Esqueiro y que tamién va a la mar como nós, pero él, a la playa San Pedro La Ribera en Cuideiru


Diendo camín abaxu


Llegamos a la carretera: As-222 que va de Brieves, Valdés (N-634) a Castañéu, Cuideiru (N-632), pasando por San Martín de Lluiña(Cuideiru)


Desde ´l Cabu Vidio, Cuideiru, veo los viradeles de detrás de casa

domingo, 26 de septiembre de 2010

Requexinos

Esta playa de Requexinos, está separtada a marea alta de la del Sablón, tamién nomada Playón de Bayas y que ye Monumentu Ñatural


Tá ´n conceyu Castriyón

y polo que vemos na semeya, amás de nudista, ye bona pa la pesca con caña y pa la piragüa

Esti home, aprovéchalo tóu

mirá-y-lu

Dexámoslu pescar tranquilu, nun vamos esperar a la pleamar pa ver como sal d´ahí cola piragua

miércoles, 22 de septiembre de 2010

San Matéu

Ye persabíu que ayeri 21 setiembre, Uvieu, como tolos años, celebró la fiesta ´l patrón, pero pocos saben ú ta la ilesia dedicada a él.
Equí la tenéis, con estatua y tóu.




jueves, 16 de septiembre de 2010

Ente dos puertos: de La Marta a Bustantíu

Paséu col coche ente estos dos puertos del Conceyu d´Ayande, poles carreteres All-4 y All-5 Un pocu más arriba de la carretera tenemos pal este ´l Hospital, 1226 mtrs y pal oeste Picu Quemáu 1157 mtrs, los dos na llende los conceyos Tenéu y Ayande

Desde esti colláu vemos el Picu Mul.leiroso de 1254 mtrs y cume más alta de Tenéu y la cuenye onde ñaz el riu Navelgas

Lo mesmo

Braña El Campel

Picu Mul.leiroso y argayos de les voladures emplegades polos romanos nes mines d´ oru

Lletreru desplicativu.

Siguimos camín de Villayón

Centru Teunolóxicu de Dinamización Cultural

Tania trabaya na biblioteca de Llastres y nel CDTL de Llastres y Colunga y tién un bloge muy prestosu. El llabor que fai colos veceros de lo que enantes se llamó telecentru, ye muy grande y tamos-y abondu agradecidos. equí vos queda esti enllaz:

jueves, 9 de septiembre de 2010

Puertu Llamperu

Nómase tamién El Puirtu y El Molín del Puirtu y atópase ´n San Martín de Podes, Gozón,
nel Paisaxe Protexíu del Cabu Peñes, el que podemos ver na semeya ( lo últimu la mandrecha).
Nun hay más que tres botes amarrados, pero vense los cabos d´otru más
Y pol tamañu d´esta cadena, tiempu atras de xuru que hébio munchos más.
Tamién hubo una perbona cetária de la que queden na más que los murios
y un molín que depués camudó a bar ( casa de la mandrecha ), que nes riades de xunu de 2010 quedó muy dañáu, al igual que otres finques y caminos de la rodialada.
Nel altu de la manzorga, hébio un castru celta "El Castiellu".

martes, 31 de agosto de 2010

La Col.lá Propinde

http://lacollápropinde.com/



Ye ´l nome d´un CD asoleyau n´ochobre 2002 n´Avilés "Discos L´Agüañaz" con 9 temes: De Carabanzo al Sáhara, La Col.lá Propinde, Val.le Turón, La Foguera, La Val.lina Escura, La corrá L.longa, Dancines, L´emigrante.


Los músicos son: Abel García (guitarra acústica y voz), Anxel Lluís Gozalez (batería y percusiones), Lluis Moro (teclaos y curdiones), Alex Dominguez (gaita asturiana midi y voz), David Suarez (flauta y voz), David Tuñón baxu).

jueves, 26 de agosto de 2010

Carros



Llastres presentase esti añu al concursu Pueblu Exemplar, ¿habrá suerte?

lunes, 23 de agosto de 2010

Sierra del Fitu



Pué considerase como un anesu al Sueve esta Sierra del Fitu que entama equí y sigui pal noreste perriba de Caravia y Berbes hasta la mar, onde acaba de sópitu.
Baxu estos montes, pasa la Autopista ´l Cantábricu, A-8, col túnel Ordovícicu.
En 1999, (coles obres del tramu Caravia-Lloviu), apaeció una ayalga xeolóxica sin igual: fósiles de más de 475 millones de años, de 200 especies distintes y de les que 14 son nueves pa la ciencia y que fueren bautizades con nomes tán aquello, como el icnofosil "Tunelia Riosellana" . Tamién el rastru de un gran maremotu y de una erución volcánica como nun hevio otra na península y petrólio que nun tien manera de esplotación.
Los paliontólogos (científicos del Istitutu de Xeoloxía Económica, que taben estudiando nesi momentu otra fascera del Puertu Sueve), tuvieren la ocasión de entamar el llabor dende ´l primer díi. Col apoyu el ministériu y los costrutores, dempués de cada esplosión, la obra, que duró 6 meses y volaba 1/4 millón de tonelades diaries, paraba una hora pa qu´ellos pudieren sacar el material, (venía a ser 200.000 años por dia) de manera ordenada y cientifica sin que nengún los molestare.
¡ Que pocu podía imaxinar esto el xeólogu alemán Guillermo Schulz cuando en 1858 estudió esti terrén!

jueves, 19 de agosto de 2010

El Cabruñu











En Campu San Pedro, esti empleáu municipal, posa pa la cámara mientres cabruña la güadaña pa segar los requexos onde nun llega la segadora y ye que en Llastres, tan pindiu, nun queda más remediu.