viernes, 22 de septiembre de 2017

PR AS-299. BUAL

Entamamos na presa de Doiras, de donde xubimos al pueblu de Doiras pasando por l´antígua casa los trabayadores de la construcción de la presa y la casa de les oficines (na semeya d´enriba)
En llegando a la carretera AS-12 (primero podemos dar un paseín pol pueblu de Doiras, que tá pergüapu), caminamos per ella unos 50 mtrs a la mandrecha hasta que vemos una indicación nun camín alfaltáu que baxa per delantre una casa y que mos va llevando al palaciu de Verdín y sigue a Piñeira, 
dende donde antes de volver a la carretera, baxamos per un camín de tierra, ente prados primero y bosque, después
 hasta l´área recreativu de Puente Castrillón, na carretera AS-35
El siete de abril de 2017, foi l´inaguración oficial d´esti senderu PR AS-299, en Bual.
Puente Castrillón.
Embalse d´ Arbón.
Embalse d´ Arbón.
Cruciando ´l puente Castrillón, na primera curva la carretera, vemos l´indicación al pueblu d´El Reboyal.
Pueblu d´El Reboyal
Siguimos al pueblu de Silvón y dende la capiella Xan Xuan,
baxamos a l´embalse de Doiras,
(Cedemonio, na otra oriella)
onde cruciamos la presa.