lunes, 30 de julio de 2012

Requexón, 2174 mtrs, en travesía

Salimos de Buferrera, onde s´atopa ´L Centru Visitantes del Parque Ñacional de los Picos d´Europa, al que llegamos por Cuadonga. Atraviesamos la Vega Enol y vemos asina de güapu ´L Llagu Enol a les 7´30 la mañana del domingu 22 de xunetu.
Siguiendo la pista, llegamos a Pandecarme onde garramos el camín al Mirador de Ordiales. Vamos pasando por el Pozu l´Alemán en ríu Pomperi, vega La Piedra, vega Canraso, mayada La Rondiella, 
colláu Gamonal, onde ya vemos : Vega Redonda, col refuxu vieyu y la cabaña de "Remis", el antiguu y famosu guarda y guia, que vivió retiráu y ya vieyín hasta hay unos meses en Cangues d´Onís. Tamién vemos tóu ´l camín de vuelta desde ´L Requexón (arriba mandrecha): colláu Les Merines, Mosquil de Cebolleda ó Mazada y Llampa Cimera. (aunque baxamos desviándomos).
 
Baxamos a Vega Rionda (Vega Redonda), bebemos, cargamos les cantimplores y siguimos caminando y parando de cuando ´n vez a güeyar: Al Este: La Sierra ´L Cuera, de la que na más asoma el Picu Torvina. Tamién Llerosos y H.ascal.
Dempués de subir la Cuenye Cerráu, pasar el Colláu del Forcáu y atraviesar la Canal Vaquera, dexamos el camín enantes de llegar a la Vega Ordiales y vamos subiendo pela paréa que mos va llevando a la cume del Picu Cotalva.
Al norte, la Sierra ó Cordillera ´L Sueve, como gusta llamar a los del llugar, ya quedó tapecía de ñubes.
Vega y Llagu Enol.
Al oeste: el Cordal de Ponga,
más cerque,
Sierra Bescoba,  pueblu de Amieva, praderíes d´Angón.
Na cume del Cotalva, ya vemos el Requexón y lo que queda hasta Él: caminando, trepando y destrepando, por aristes lo más.
Vamos crestiando y dexando tras de nós el Picu Cotalva y la Torre la Canal Vaquera. 
 Na Horcada ´L Poyu, metémonos a una chimenea en medio la paréa y saliemos per una vira a la mandrecha pola que pasamos baxu la cume ´L Tercer Poyón.
 llegando al pié la gran mole del Requexón, vemos en Segundu Poyón la pergüapa llínia pende va la vía d´escalada: "¡ Que Tiren la Pipota !".
"¡Que Tiren la Pipota!": abierta va unos años por José Bobes y Álvaro Barceló. Si queréis más datos della, ponéis un comentariu nesta entrada y contestamos.
Requexón . Tamién: H.ou Lluengu, Torrezuela, Cabra blanca, ...
Llegando a la Cume del Requexón, polos preciosos canalizos la última llámbria. En baxu: Los Séos d´Ozania.
Cume ´l Picu Requexón, 2174 mtrs. Cangues d´Onís, Asturies.
Peña Beza y Cantu Cabroneru.
Llerosos y H.ascal.
Cebolledes, Peñasanta d´Enol, Torre la Canal, Maríes, ...
Baxando, tenemos esta vista del Llagu Ercina, mientres paramos a xintar daqué llegando al Porru Bolu y H.ou Les Poces.
Nenúfares en Llagu Enol.
Volvemos a Buferrera diez hores y media dempués.

viernes, 20 de julio de 2012

Cotón de Láncara

Cotón de Láncara, L.luna, Llión.
De la Autopista ´L Huerna, AP-66, saliemos como pa Villablino y dempués d´unes cuantes curves, hay una más pronunciada que tién un puentín, sobre un regatu que va pal pantano de Barrios de L.luna, pasamoslu y aparquiamos a contramano. Si vamos pol Puertu Ventana, tomamos direución autopista y dempués de Poladura de L.luna, vemos curva y Cotón.
Subiemos polos dos primeros llargos de la vía Puto Peaje.
 
En llegando a la repisa la segunda reunión, non siguimos de frente, desviámonos a la manzorga y entamamos la llambria, en diagonal a la mandrecha, con friends y empotradores pequenos.
Lo últimu la llambria, ye dificil de protexer, lo más ye aderencia. 
Dempués llega un resalte con algo de piedra sueltu y onde costó trabayu poner un seguru,
llegamos a una terraza que hay que atraviesar hasta poder atopar un bloque lo bastante buenu onde poder armar la tercera reunión, unos metros más abaxu de la arista cumera. Esti tercer llargu ye de 58 mtrs. El cuartu y últimu llargu, ye curtiu y facil polo que aseguramos al cuerpu.
Cume del Cotón de Láncara.
Les Peñes del Prau.
El Picu Cirbanal.
Baxamos caminando pola vía normal: siguiendo de la cume toda l´arista y coyendo la canal sureste. Dicimos-y adiós al Cotón de Láncara.
Llargu la vía: 190 mtrs. Dificultád la vía: V+, expuestu.

lunes, 16 de julio de 2012

S.L. AS-14, Parres

Al llegar a l´aldeína de Pendás, atopamos esta señal. despidímonos de Pendás, Miramos lo bién y lo moyada que se ve la Escuela de Escalada de La Forcada. Lo más del Puertu Sueve, tapecíu. Dempués de pasar el puebín de Collía, vamos virando al este pol Camín Vieyu ó de La Verde, que mos lleva pola mesma paréa La Peñe. Embaxo ´l ríu Bode, que güey va crecíu. Ya vemos el Colláu y allá que vamos. Na más queda baxar.Mecedura los ríos Piloña y Seya, Les Arriondes, capital de Parres.Na plaza l´ayuntamientu, el lletreru colos datos: tomamos la carretera de Fuentes-Sinariega-Bode y pasando baxu ´l puente ´l trén (al pocu ´l Centru Día y la residencia del ERA), tomamos el ramal a Pendás. Vemos la vega ´L Seya y los Picos D´Europa, si nun tá tapecíu y tardamos un total de 2 ó 3 hores. El puente y el cañón con plaques d´agradecimientu a Emilo Llamedo y Dionisio de la Huerta, que tantu fexeren pola fiesta Les Piragües.