viernes, 23 de julio de 2021

Culiebra

¿será culiebra d´agua, natrix-natrix?

en Dalla, apaez:
culiebra, la: sust. Reptil [de forma cilíndrica y allargada, ensin pates y de pelleyu escamoso]. || Culiebra de cien pates, [tipu de] ciempiés. || Culiebra de mar,Syngnathus acus, pexe [llargu y delgáu cola boca en forma de tubu]. Nerophis ophidion, pexe [llargu y perdelgáu]. || Echar culiebres pela boca, fam. falar xurando. || Facer como les culiebres, asoleyase muncho. || Flor de la culiebra, planta de la familia Araceae [col tueru qu’asemeya a una culiebra]. || Fueya la culiebra, Arum italicum, planta [cola flor en forma d’espiga mariella y una envolvedura de color blanco que la arrodia]. || Llanta la culiebra, planta [que se da en sitios llentos, de fueyes anches y una especie de panoya mariella que güel permal]. || Mal de la culiebra, enfermedá de la piel [que se manifiesta cola apaición de manches coloraes alredor d’unes ampolles]. || Pan de culiebra, Agariens campester, cogorda [de color blanco y comestible]. Arum maculatum, planta [cola flor en forma d’espiga colorada y que ta arrodiada por una envolvedura de color verdoso. ||Panoya de culiebra, frutu del Arum maculatum. || Piedra (de) la culiebra, piedra máxica [que lleva’l cuélebre na cabeza y que cura les picadures de los reptiles]. ||Quemadura (de) culiebra, Arum italicum, planta [cola flor en forma d’espiga mariella y una envolvedura de color blanco que la arrodia]. || Recimu de culiebra,Tamus communis, planta [que medra enroscándose n’otres, tien les flores agrupaes en recimos y da un frutu negru y venenosu]. || Saber más que les culiebres, fam. ser mui llistu, saber muncho. || Sacar la culiebra del matu, fam. dicir daqué que pue encismar, que pue cayer mal. || Tener una culiebra en bolsu, fam.ser atuñáu, roñosu. || Xorrascar la culiebra, fam. facer comentarios [de contino sobre un asuntu que cafia, qu’otru quier callar]. || Yerba (de) la culiebra, planta de la familia Araceae [que naz en sitios llentos].

¿Esta prubitina, a la que acaba d´atropellar un coche, será la mesma?