martes, 31 de agosto de 2010

La Col.lá Propinde

http://lacollápropinde.com/



Ye ´l nome d´un CD asoleyau n´ochobre 2002 n´Avilés "Discos L´Agüañaz" con 9 temes: De Carabanzo al Sáhara, La Col.lá Propinde, Val.le Turón, La Foguera, La Val.lina Escura, La corrá L.longa, Dancines, L´emigrante.


Los músicos son: Abel García (guitarra acústica y voz), Anxel Lluís Gozalez (batería y percusiones), Lluis Moro (teclaos y curdiones), Alex Dominguez (gaita asturiana midi y voz), David Suarez (flauta y voz), David Tuñón baxu).

jueves, 26 de agosto de 2010

Carros



Llastres presentase esti añu al concursu Pueblu Exemplar, ¿habrá suerte?

lunes, 23 de agosto de 2010

Sierra del Fitu



Pué considerase como un anesu al Sueve esta Sierra del Fitu que entama equí y sigui pal noreste perriba de Caravia y Berbes hasta la mar, onde acaba de sópitu.
Baxu estos montes, pasa la Autopista ´l Cantábricu, A-8, col túnel Ordovícicu.
En 1999, (coles obres del tramu Caravia-Lloviu), apaeció una ayalga xeolóxica sin igual: fósiles de más de 475 millones de años, de 200 especies distintes y de les que 14 son nueves pa la ciencia y que fueren bautizades con nomes tán aquello, como el icnofosil "Tunelia Riosellana" . Tamién el rastru de un gran maremotu y de una erución volcánica como nun hevio otra na península y petrólio que nun tien manera de esplotación.
Los paliontólogos (científicos del Istitutu de Xeoloxía Económica, que taben estudiando nesi momentu otra fascera del Puertu Sueve), tuvieren la ocasión de entamar el llabor dende ´l primer díi. Col apoyu el ministériu y los costrutores, dempués de cada esplosión, la obra, que duró 6 meses y volaba 1/4 millón de tonelades diaries, paraba una hora pa qu´ellos pudieren sacar el material, (venía a ser 200.000 años por dia) de manera ordenada y cientifica sin que nengún los molestare.
¡ Que pocu podía imaxinar esto el xeólogu alemán Guillermo Schulz cuando en 1858 estudió esti terrén!

jueves, 19 de agosto de 2010

El Cabruñu











En Campu San Pedro, esti empleáu municipal, posa pa la cámara mientres cabruña la güadaña pa segar los requexos onde nun llega la segadora y ye que en Llastres, tan pindiu, nun queda más remediu.

sábado, 14 de agosto de 2010

El Fitu

Estes perguapes vistes podien vese el últimu sábadu xunetu, de mañanina, dende ´L Mirador del Fitu, agüeyando pal este; son tierres de los conceyos: Caravia, Ribeseya, Yanes, Parres.




martes, 10 de agosto de 2010

Fitu

Esti mirador del Fitu, inaguráu nel añu 1927, foi proyeutáu y fexu, de baldre, pol arquitéutu D. José Mª Sanchez del Vallado.
Tién forma de cazu al revés y pá aquellos años debió ser de lo más modernu y avanzáu.



jueves, 5 de agosto de 2010

L´Amante Xana

Fonte La Xana
Vas por agua, vas por agua a la fonte de l´aurora,
el galán que t´enamora esperándote ellí ta,
el galán que t´enamora esperándote ellí ta.


Cuenten qu´al alborecer,mientres duerme la quintana,
el galán de to querer vien falar con una xana,
vien falar con una xana.


Rosa temprana dime si yes tú
l´amante xana,l´amante xana.


Yes la reina de les flores, yes el sol de la mañana,
yes la neña mas galana de l´aldea del amor.


Cuenten qu´al alborecer, mientres duerme la quintana,
el galán de to querer vien falar con una xana,
vien falar con una xana.


Autor: Sergio Domingo

" Ecos de la quintana "

Igües: Gabino Antuña

Coyíu del CD de Chus Pedro " De Ñublu y Orpín "

Asoleyáu por FonoAstur en 2004