La Seronda

LA SERONDA LLEGA

LA SERONDA llega, mariella y puntual,

llega como una andancia

masivamente espardida nuna histeria

d´árboles espelurciaos y sarapullos de mofu

arrasando los troncos y les espectatives

de daqué tiempo tovía soleyeru.

Como qu´una manona viniera

a escolmenar les palabres y xuxuríos

ente la yerba alto que quedaron del branu,

arrincándoles al empar que nos da recáu

de que con esa mesma freba de díes

va urdiéndose la sorrisa del iviernu: la edá.

Xuan Santori