lunes, 14 de mayo de 2012

Al Ródiu ´L Ñora


Entamamos a caleyar na ilesia prerrománica de San Pedru Ñora, conceyu Les Regueres, que nesti sitiu ta separtáu del conceyu Uviéu pol Ríu Ñora.
Hasta equí llegamos pola autovía A-63 que vá a Gráu y L´Espina, salimos en Trúbia, (Uviéu) y na retonda l´entrada, tomamos la carretera As- 233, direución Aviles, onde llega dempués d´atraviesar: Les Regueres, Llanera y Corvera. A tres kmtrs de Trúbia, ta San Pedru Ñora.
Vamos remontando ´l ríu Ñora: pasamos xunta una fuenti, llavanderu, bebederu; tamién pasamos baxu ´l viaductu l´autovía; siguimos acompangando ´l ríu poles arriondes ...
y nesto el camín voltia de sópitu y va subiéndomos por una cuesta la mar de pindia,

que mos va separtando del Ríu (guey vese mal a cuenta la borrina)
 y mos va subiendo al pueblín de El Campanal y Quexu, puntu más altu desta Vía Verde San Pedru Ñora-El Pedréu-Puente Gallegos.
Baxamos a Puente Gallegos y podemos volver pol mesmu camín ó por otru marcáu pa volver faciendo un redondel, poro, nós, non lu viemos, asina que vamos siguir pol camín que atraviesa ´L Monte Naranco.
En Puente Gallegos, xúntense: la Vía Verde ´L Ñora, (de la que acabamos facer la mitada); el P.R. que atraviesa ´L Monte Naranco, (que vamos entamar agora); la Ruta La Plata; el Camín Real de La Mesa; el Camín de Santiago.

Dende Puente Gallegos, empecípia una cuesta suave que na más pasar l´aldeína de Vega, ponse más píndia. Vamos pente caseríes, les más abandonades dende cuantayá.
Llegando a la cumal del Monte Naranco, vemos les trincheres l´última guerra con unos cuantos nieros d´ametralladora.
Tamién vamos viendo ´l valle Sancloyo y la mecedura ´l só ríu col Ríu Ñora.
Sierres del Monsacru y L´ Aramu, nun momentín que escampó.
Más arriba, un mirador con una estatua llargarita, de munchos collorínos que tién pel mediu un furacucu con forma triángulu pa poder ver al traviés l´estatua ´L Cristu, a la qu´entovía queden seis kmtrs pa llegar.
Equí, salímonos de la ruta y tomando la direución contraria a Brañes, vamos baxando a ´L Llano y Les Campes ú garramos el tren de FEVE que mos dexa en San Pedru Ñora, casique cinco hores dempués. El desnivel ye de 100 mtrs positivos y otros tantos negativos en primer ramu y 400 en segundu.

2 comentarios:

  1. Tamos acostumbraos al coche, y non facemos apreciu de otros medios de transporte pocu utilizaos.
    Tren non lu hay en La Villa, pero autocar, canoa o bici, sí.
    Con coche, o sin él, unes botuques y un billetucu, se pueden planear coses prestoses como esta.
    Ricardo.

    ResponderEliminar
  2. Ricar,tu siempre tan animosu, da gustu que tóu te guste. Hay quién piensa que estos caminos tan güapos son de pisaprados, pero, son unos babayos los que non los disfruten pensando que tienen pocu méritu.
    Caleyandomundiualantre

    ResponderEliminar