martes, 25 de mayo de 2010

De La Playa L´Astilleru al Cau Llastres

Ruta na que echamos mediu dií en total (diendo despacín), la vuelta pel mesmu camín 1: Desde La Playa L´Astiyeru, vemos el muelle y El Pantalán, onde llegaben los barcos a cargar el carbón de la mina Carrandi
2: Los cartelos de la playa L´Astilleru, llamen-y Playa Llastres

3: El Riu D´Astuera que fina na playa y el Camín Real (baxu l´asfaltu) que lu salva con un puente del que se puede ver la antigüedá si miramos desde abaxu
4: Lo que vemos dende el segundu bancu: La Villera y La playa La Griega, na parroquia San Xuan de Duz
5: Equí empecipia la Cuesta ´L Cantu
6: El banquín de San Pedro, vistosu asgaya
7: Desde esti bancu (onde la 1ª y griega) vemos La Ilesia de Santa María de Sábada, El Campu San Roque, los barrios del Cantillo, Les Casines, Les Malvines, ... . De siguíu, la última de les cases de Llastres, empecípia Lluces
8: Del otru lláu de La Capillina hay otru bancu con respaldu
9: Casa Vítor y Rosario, L´aspu
10: Desde Vallín: El Palaciu (Hotel *****)
11: Desde la primera casa Villanueva: les últimes de Vallín
12: Al altor la última casa ´l pueblu, en La Rasa, atópase ´l primeru de los seis cartelos que mos acompañen hasta ´l Cau Llastres
13: Camín del Faru
14: Faru Llastres en Lluces, Llastres
Tién unos 12 kilómetros de llargu, seis en cada sén, esti paséu de los que la mitada son per asfaltu y la otra mitada por pista, pero lo meyor de tou ye que hay bancos asgaya onde se sentar en casu de cansar.
Empecipiamos a andar na playa L´Astilleru en Llastres (semeyes 1, 2 y 3), al altor del Descanso cruciamos la carretera (semeya 5) y entamamos Cantu arriba a San Pedro (semeya 6) onde viramos a la manzorga avante tou hasta llegar a una y griega en camín (semeya 7), equí, tamién a la manzorga, avante tóu. Enllegando a La Capillina (semeya 8), de frente ensin cambiar el rumbu nin virar en nengún cruce casique un kilómetro (semeyes 9, 10, 11), hasta llegar a la antigua escuela de Lluces que nun pasa desapercibida porque tién una campana pequeña en teyáu, equí viramos a la mandrecha pa cruciar la carretera y de frente hasta otra y griega con otru edificiu con canpana en teyáu, La Casa del Agricultor, viramos a la manzorga.
Avante tou, ensin virar y enllegando a la última casa ´l pueblu ( semeya 12), de frente siguiendo los seis lletreros afitados que mos manden al Faru mientres que mos enseñen dellos de xuegos y cantares del conceyu (semeyes 13 y 14).

lunes, 24 de mayo de 2010

Fanu, Lliberdón, Comarca La Sidre

El Puertu Sueve vistu subiendo a la Fuente Fontanieyes
guapu, ¡eh! ...
Pa llegar a Fanu, hai que tomar el desvíu en Lliverdón, na carretera As-258, que xune L´Infiestu col Puertu Llastres Al fondu: San Martín de Vallés

lunes, 17 de mayo de 2010

Lloréu, Lluces, Llastres






Ye una pena que esté tan estropíau este lletreru que señala ´l sitiu ú se baxa a les güeyes dinosauriu que se atopen en Pedréu de Lloréu, Cau Llastres, Lluces




viernes, 14 de mayo de 2010

L´Aspu, Lluces, Llastres ( IV )

En Menán, va pocu parió esta yegua asturcona
Lo ñacío, subió (en camión) cola madre y el restu la manada al puertu Sueve el mismu dí que cumplió los seis de vida.

lunes, 10 de mayo de 2010

El Piqueru


En Barriu ´L Piqueru, Villa de Llastres, va pocu que empecipió a funcionar un centru social (vese na semeya). Los llastrinos tamos percontentos y entá más por la suerte de tener a Tánia con nós. Dende equí deséo-y muncha suerte como trabayadora del Centru y que mos siga ayudando en esto de la informática a los que como yo, tamos tan necesitados.

jueves, 6 de mayo de 2010

Ruta lliteraria

Ruta per fácil y pergüapa (ideal pa families con neños), tién marques y nun hay pérdida. Ida y vuelta pel mismu camín, faise en mediu díi. Al fondu: Llastres
Al fondu: Ribeseya
Fin de La Ruta que entamamos en Santianes, Ribeseya.
L´últimu de los sietes cartelos que hay afitáos


martes, 4 de mayo de 2010

Verdiciu

Ye de Verdiciu, ñació a la vera del Cabu Peñes xunto a la mar, nun hai tocinos na so panera pero hay gavitos aú los colgar.

Despierta ´l riscar l´alba daun brincu nel xergón y va coyer les berzes paechar con fabes y con llacón.

Si una vez o dos al mes baxa a la villa al mercáu toos la miren de llau ya dicen neña: que guapa yes.

Tién un mozacu que la cortexa y que-y fai plizcos, faila rabiar y a veces berra como una oveya porque con ella se quier casar.

Él diz que ye molineru, que gana too cuanto quier y que si nun ye primero será en xineru la so muyer.

Si una vez o dos al mes baxa a la villa al mercáu toos la miren de llau ya dicen: neña que guapa yes.


Cantar tradicional asturianu
Coyíu del CD " De ñublu y Orpín " de Chus Pedro, asoleyáu por Fonoastur, Uvieu, en 2004

lunes, 3 de mayo de 2010

Versayes

Va pocu que salió ´n periódicu un gran reportaxe sobre esti barriu d´Avilés y dicialo cuasi qu´tou dél, pero nun mentó pa ná lo que tamos viendo na semeya.
Trátase del " Boulder ", pallabra francesa, país muy allegáu y a too lo que tién que ver cola escalada.
Nel casu del bulder, vemos que nun se usa cuerda y hay que dir pasando de un lláu a otru del muriu ensin tocar el suelu y pa ello nun queda más remediu que estirase, encoyese, apretar el cuerpu, y sobre tou aguantase na más que enos dedos de pies y manes. Les vies de Versayes tienen una dificultá ente los grados "5º y 7C ", dependiendo de que se puedan usar más o menos dedos y si son enteros ó medios ó solu la yema ó parte d´ella. Vemos equí como esti mozu tién unes postures difíciles y notense-y todes les febres del cuerpu pola fuercia que tá faciendo pa guardiar l´equilibriu y nun cayer. Podeis echavos cuenta del esfuerciu fisicu y mental pa atalantar onde pisar u onde se garrar y nun desequilibrar, con tou ello el sudu brota ensin parar y asgaya, por eso lleven colgáu del cintu una bolsina con sales de magnesio na que meten la mano y se unten bién pa nun resbalar, son eses marques blanques que se ven en delles de piedres