sábado, 29 de septiembre de 2012

Peña Gradura, Teverga. 1560 mtrs

Na Pasada la calzada que mos lleva a Los Puertos desde Fabar, Proaza, tenemos una pergüapa vista de la Sierra L´Aramu. Tomáremos el camín onde ´l depósitu l´agua y vamos suniendo ente viesques, cabanes y prados,
hasta llegar a esta mayada, Vega Castru, que a primeros de Setiembre d´esti 2012, da pena ver la seca tán grande que hay.
Atraviesamos la vega y pal otru lláu vemos el Puertu San Llorenzu y El Camín Real de La Mesa.
Dende la cume, volvemos ver L´Aramu.
Tamién vemos la Peña Sobia, de la que mos separta ´l ríu Teverga.
El Picu Caldoneiru, enfrente.
El pueblu de Bustiel.lu, Proaza.
Los Puertos de Maraviu.
Na más queda baxar pende subiemos.
mientres siguimos esfrutando ´l paisaxe como esti de la Peña Sobia.

jueves, 13 de septiembre de 2012

Cabezu Llerosos, Cabrales. 1792 mtrs

Atopamos a Carlos y Arcai, dos cabraliegos de Berodia, que sumen 80 años (78+2) en El H.ascal.
Carlos y Arcai, subieren desde la so cabana de Semuñón, na que llevaben 3 dís, pa güeyar i echar un gabitu, llegáu el casu, a media docena mozos que a les 7 la mañana echaren andar camín del Puertu pa baxar los xatos a vender.
...
Los Puertos, como esti del Valle Teyeres que acabamos de pasar (pende sigue la Ruta Normal), tán  abondu verdes aunque ´n baxu aiga seca yá, nestos caberos dís del mes d´Agostu d 2012. Seguramente tién munchu que ver nello la borrina que casi a diariu llega detardina dende la costa  pegándose a les paredes hasta faceles invisibles.
Baxu los murios la Cara Norte La H.ascal, subiemos pol Caleyón de Santu Toribiu.
 Siguimos por Campu Riegu,
La Peña Santa, asoma ya.
 ...
 
Llegamos al H.orcáu Los Güés.
H.orcáu Los Güés.
Pol cantu, entamamos la subida a la Cume del Cabezu Llerosos, 1792 mtrs.
Apaécen ya: pal Oeste La H.ascal,
pal Este El Cuetón del Cares.
Más allá: Portudera, El Murallón de Amuesa.
Pol Sur: Los Urrieles,
La garganta del Cares,
El Cornión, que llega hasta equí, ú tán les llendes del Parque Nacional Picos De Europa.
Dende la mesma cume,acolumbramos la mayada de Beresma, tán particular, pola cuevona que tién.
Asina que rodiendo, pola Cara Sur, La H.ascal,
llegamoa a Beresna Riba
y pol camín empedráu, equí argayáu, llegamos a Beresna Baxu.
Entá queda pasar Los H.ondones,
 
un xubi-baxa collados y h.ous
...
penriba Camplengu Vieyu y Camplengu La Cueva
...
hasta la Cuesta Coriscada, dende onde vemos Belbín.
y llegamos a La Beyuga, preciosa campera con cabañes baxu el picu Paramentosu.
Por un camín empedráu, bastante deterioráu, llegamos a Brañarrionda,
y desandamos lo andáu: Brañes, El Campiñón, Los Retraites, El Coterón, Pandu, Valle Tramañán y cruciando ´l ríu Casañu pol Puente Pompedru, La Molina, ú tá ´l coche aparquiáu y onde llegamos pol ramal que sál de Les Estazades, na carretera que sigue a Carreña de Cabrales y Panes dende Cangues D´ Onís, aunque nós viniemos pola A-8 hasta Posada de Yanes y dende ellí pola carretera que sube pol Ríu Les Cabres hasta Ortigueru.

martes, 4 de septiembre de 2012

El Puche

Un trator cargáu de verde, xube de Menán pol Puche. Ya va cerque la capillina Les Ánimes, onde la Figarina Mino. Siguiendo poles encines del Palaciu, y la copa ´l depósitu l´agüa, llegará al Pulimedio ó a La Granda. L´altor del vallicu, nun dexa ver la carretera ente Llastres i Lluces que pasa delantre la casa.