martes, 29 de mayo de 2012

Picu L´Oubiu, 1363 mtrs.

Entamamos 50 mtrs enantes del pk 21 na carretera AS-228  que xube al Puertu Ventana, ú  aparquiamos l´auto casique frente a la marquesina l´autobus de llínia Teverga-Uviéu. Na más pasar del lletreru de km 21 en direución La Plaza, Teverga,  cruciamos un puente peatonal sobre ´l ríu Teverga que mos dexa na senda verde L´Osu. Viramos a la mandrecha y enseguida vemos el camín que subiendo pola foz del ríu Valmoru,
llévamos al pueblu de Banduxu, Patrimóniu Artísticu, que tién una güapa torre medieval.
Vamos subiendo a la braña Folgueres per un camín empedrau, pegáu al ríu.
...
Al llegar al camín, de tierra, que vién del pueblu de Bustiel.lu, seguímoslu pa volver al coche por él, güey nun ye díi pa xubir al puertu, la ñube tienlu tapecíu.
Al dir baxar, paez que sál un airín, que igüal espanta la ñube.
Asina que siguimos como pa los prados d´ enriba ´l pueblu de Fabar
y abocanamos nuna cabana mientres xintamos un bocáu.
Paez que s´abre ´l cielu penriba la Sierra Caranga.
Bustiel.lu.
Tamién se ve ya la Sierra Sobia.
Fabar.
...
...
Siguimos subiendo.
Ya casique se ve ´L Picu L´Oubiu.
Sál ya un rayín de sol sobre Bustiel.lu y Santa María, del otru lláu del ríu Teverga.
Picos Col.lá Santa María y Gurrión.
...
...
...
...
...
...
Cume del Picu L´Oubiu.
Banduxu, Conxuntu Hestóricu-Artísticu.
Picos Mostayal y Caldoveiru, Paisaxe Protexíu.
Puertos de Marabio, Monumentu Ñatural.
Pa Teverga, Balmonte Miranda, Somiedu.
 Na Sierra L´Aramu, entá queden ñubes.
Amenaza más agüa y ñeve, asina que
dicímos-y adiós al Picu
Preciosa la Sierra Sobia.
Vamos baxando por una pista dende ´l col.láu y llegamos al coche 7 hores dempués y con un desnivel de 1100 mtrs positivos y otru tantu negativu.
Preciosa la capiella de Bustiel.lu.

lunes, 21 de mayo de 2012

Peña La Col.lá Sta Mª, Pruaza.

Peña La Col.lá Santa María, Pruaza, Asturies.
Entamamos en Caranga Baxu, Pruaza, que vemos nesta semeya atraviesáu pola senda verde L´Osu y la carretera As-228. Volveremos 5 hores dempués.
Tomamos un camín que xube pol cementeriu y vamos pente cuestes y curves
hasta que se acaba ´l castañéu.
El camín enllana un peacín pasando penriba unos prados. De frente la Sierra Caranga.
Vuelven les cuestes al metese ´l camín ente pinos.
El Picu Gurrión.
Cruciamos el ríu Mingol.lu.
Más arriba, más cuestes y revueltes pente la biesca,
 
hasta que llegamos a la braña y col.láu Mingol.lu.
Un descansín a beber un papáu y siguimos alantre despidiéndomos del Colláu y Braña Mingol.lu, El Picu Gorrión y allá lantrones El Gamoniteiru, na Sierra L´Aramu.
 
Cá vez más práu y menos árboles hasta llegar al Col.ladín y ver más de cerque La Peña.
Baxamos un poqueñín y llegamos al Col.láu Miradoiro, onde les cabanes son más grandes.
Pa xubir a la Peña Col.lá Sta Mª, hay travieses de ganáu ente los matos, pero piérdense con facilidá.
Na cume de La Col.lá Sta María, Proaza.
acolumbrando ´l paisaxe.
A lo últimu: El Camín Real de La Mesa al so pasu pol Puertu San Llorenzu. A lo primeru: El tayu ´l ríu Teverga, ente La Sierra Sobia y La Sierra Gradura.
 
El pueblín de Banduxu y la pista a Cueva L.agar.
Caranga Baxu y Picu Los Neninos.
Al baxar de La Peña, siguimos la pista pol valle ´l ríu Samartín a Santa María y Les Ventes. Vemos Santa María y de frente, na paréa del otru lláu del ríu Teberga, l´aldeína de Fabar.
De Frente Bustiel.lo.
Volvemos pola Senda L´Osu.
Cruciamos, a pié, ´l ríu Trubia. El puente que taba del lláu la capiella sobre ´l Teberga, cuantayá que rompió.