De Villaviciosa vamos a Poreñu, Pueblu Exemplar y siguimos por La Carcabada y La Teyera hasta Rali y La Espina. Aparquiamos, hai sitiu abondu. Situados na fuente (pegada l´espalda al cañu), vemos una pista del otru llau de la carretera, frente a nos, que tien una flecha azul, de un circuitu de bici, pintada en suelu.
La pista, que al pocu ye camín de tierra, per onde pasen amás de tratores, coches, motos, bicis, quads, que non siempre van despaciu (asina que curiau si oyemos un motor ruxendo), va baxando per prados primero y per un túnel de carbayos dempués (da gloria velos).
Hasta llegar a l´aldea de Los Villares, parroquia de Pandenes, conceyu de Cabranes.
Los Villares
Los Villares
Los Villares
Los Villares
Los Villares
Los Villares
Los Villares
Siguimos les fleches azules hasta la marquesina la carretera y pocu dempués de la curva a la mandrecha y el cartelu de fin de Los Villares, la flecha azul métemos per una pista a la manzorga, que de primeres baxa y dempués xubi a Pandenes. Al llegar a l´antígua escuela, agora Centru Social, abandonamos les fleches y saliemos a la carretera.
Llenamos les cantimplores na fuente que hai al pié la marquesina y comemos la merienda na mesa que hai delantre l´ilesia.
Pandenes
Pandenes
Pandenes
Cambiando de carretera (a la entrada ´l pueblu), subiemos hasta la Cruz de La Collada y tomando a la manzorga una pista, hormigonada al principiu y de tierra dempués, subiemos hasta la antena, onde ya vemos el picu Piedrafita muy cerque.
Poreñu, vistu de la que baxamos del Picu Piedrafita.
Un kilómetro escasu, ye lo que tenemos qu´andar pela carretera hasta l´auto. Contemplamos un peazu los pexes del bebederu, tan gordos, deben tener buena comida y pocu trabayu
.
.jpg)
