Monte Carrandi

Asina de güapu taba una tardi d´iviernu el Monte Carrandi vistu dende El Piqueru, Llastres.

El Calderu, Uviéu

El Calderu, Uvíeu.

Na capiella Cuadonga, na misma carretera As-242 ( onde ´l 2º semáforu qu´ hai más arriba ´l tanatorio Los Arenales), empecipia ´L Camín GR As-105: Ruta les Pelegrinaciones, de Uvíeu a Cuadonga.

Picu Faéu, 764 mtrs

Entamamos en Silviel.la, Balmonte Miranda, carretera As 227 al Puertu Somiedu.Pasando delantre la escuela, cruciamos el puente sobre ´l ríu Pigüeña.Remontando ´l Ríu, pasamos delantre la Central Llétrica de Silviel.la, agora transformada en apartamentos turísticos de tres estrelles.
Siguimos pente ´l bosque y nesti cruce, entamamos la subida per un terrén pindiu abondu, hasta un camín asfaltáu un buén peazu más arriba. De primeres una viesca d´árboles nativos que va abiendose pa dempués pasar a La L.lomba, con dellos ocalitos y pinos. Más allá llegamos a un colláu nel que vemos ya los prados del valle ´l ríu Montescuso que vamos rodiar por riba.
Vamos
subiendo valle arriba y rodiando ´l Picu Faéu, que mos va quedando a la mandrecha.
Otru colláu más arriba el pueblín de Faéu, per onde pasa el Camín Ñatural Asturies
Interior GR- As 109 y se garra´l ramal al Picu, que agora tá entamando a guardase ente ñubes.

Buscamos
una cabana onde poder xintar daqué.
En Las Cruces, non Les Cruces, porque esta ye una tierra onde se díz: las fabas, las dídas, etc, tomamos un camín que pasa pola puerte d´una nave grande y nueva y va pa una antena, y que tamién ye ´L Camín Real de La Mesa, que vién de Dolia y va pa Gráu. A
los 500 mtrs, pasamos pente un puñáu de cases, hoy fexes una yacería, pero de
buenos murios de sillares y que polo menos tres d´elles paecen d´indianos: Coladiel.lo.
El
camín vieyu, que se ve fue muy buenu, con buén suelu y anchu abondu, sigue
valle abaxu a una casería, tamién deshabitada y aprovechada, como les otres,
pal ganáu.
Nós, pa non mos moyar tantu,
dexamos el camín y seguimos una pista nueva que vaxa más suave polo altu la
paréa y mos va llevando al valle del ríu La Folecha, onde ya se pón más píndia.
Lleiguarda baxu ´l Picu Cauríu, de 1017 mtrs.
El Castru. Central llétrica de Miranda, dende una curva ´l camín, ya casique ´n baxo.

L´horru ´l Piconeru

Ye ´l últimu horru que queda nel cascu urbanu de Llastres. Vivía equí antigüamente una familia numerosa. Enriba dormíen y enbaxu teníen la cocina y el taller onde ´l piconeru iguaba cacharros: tarteres, potes, zapiques, calderos, barcales ...

Peñerudes, Morcín

Turruxón medieval de Peñerudes, Morcín.

Ye una tardi de domingu ´n Frebreru de 2012. La xerra L´Aramu, enfrente, quier escucar ente les ñubes.
Les cumes de La Mostayal y La Gamonal, 1712 y 1310 mtrs, entá tán tapades.

El turruxón, fexu ´n sieglu XIV, acolúmbrase gayasperu ya dende lloñe.

Peñerudes, tién amás del turruxón medieval, munches otres coses que disfrutar: güapos paséos y miradores, ruínes de la mina, embalse de Los Alfilórios, bonos chigres nos que xintar daqué bién igüáu, ...

Picu L´Oubiu, 1363 mtrs.

Entamamos 50 mtrs enantes del pk 21 na carretera AS-228  que xube al Puertu Ventana, ú  aparquiamos l´auto casique frente a la marquesina l´autobus de llínia Teverga-Uviéu. Na más pasar del lletreru de km 21 en direución La Plaza, Teverga,  cruciamos un puente peatonal sobre ´l ríu Teverga que mos dexa na senda verde L´Osu. Viramos a la mandrecha y enseguida vemos el camín que subiendo pola foz del ríu Valmoru,

llévamos al pueblu de Banduxu, Patrimóniu Artísticu, que tién una güapa torre medieval.

Vamos subiendo a la braña Folgueres per un camín empedrau, pegáu al ríu.

...

Al llegar al camín, de tierra, que vién del pueblu de Bustiel.lu, seguímoslu pa volver al coche por él, güey nun ye díi pa xubir al puertu, la ñube tienlu tapecíu.

Al dir baxar, paez que sál un airín, que igüal espanta la ñube.

Asina que siguimos como pa los prados d´ enriba ´l pueblu de Fabar

y abocanamos nuna cabana mientres xintamos un bocáu.

Paez que s´abre ´l cielu penriba la Sierra Caranga.

Bustiel.lu.

Tamién se ve ya la Sierra Sobia.

Fabar.

...

...

Siguimos subiendo.

Ya casique se ve ´L Picu L´Oubiu.

Sál ya un rayín de sol sobre Bustiel.lu y Santa María, del otru lláu del ríu Teverga.

Picos Col.lá Santa María y Gurrión.

...

...

...

...

...

...

Cume del Picu L´Oubiu.

Banduxu, Conxuntu Hestóricu-Artísticu.

Picos Mostayal y Caldoveiru, Paisaxe Protexíu.

Puertos de Marabio, Monumentu Ñatural.

Pa Teverga, Balmonte Miranda, Somiedu.

 Na Sierra L´Aramu, entá queden ñubes.

Amenaza más agüa y ñeve, asina que

dicímos-y adiós al Picu

Preciosa la Sierra Sobia.

Vamos baxando por una pista dende ´l col.láu y llegamos al coche 7 hores dempués y con un desnivel de 1100 mtrs positivos y otru tantu negativu.

Preciosa la capiella de Bustiel.lu.