Del Ruchu a Les Terrientes, L.lena.

Esta semeya, foi sacada una selmana dempués, porque

 l´escuridá yera grande, el primer sábadu d´ochobre de 2012.

Dempués d´un peazu andáu pola pista ´L Ruchu, atopámonos con esti muñón del Camín del Salvador, que de Castiella vién a la catedral d´ Uviéu a ver al Salvador, antes de siguir a Santiagu Compostela.

La pista métese dientro de Valgrande, fayéu perimportante   

polo grande y bono

del llugar.

...

...

...

Tantu andar, da fame y paramos a xintar daqué.

Atraviesamos per baxu l´autopista ´L Huerna, acábase la pista y empecípia ´l camín, a la vera ´l 

ríu Fasgal

De fayes pasamos a espineres

y carrascos.

...

 

Llegamos a la Vega del Fasgal:

primeres cabanes

y fondu ´l valle.

Viramos al norte y paréa alantre, dexando a la mandrecha la braña ´L Pedrosu,

 vamos acercándomos al Picu Peña Cabrera, 1711 mtrs.

Ya empecipien a vese los Puertos de Val.lota

...

y allá lantrones, col cielu amenazante:

La Mesa, La Tesa, L´Almagrera, La Pena Ubina, ...

...

Antes de dimos, un vistacín a la filera picos que baxen en direución este, desde esti más altu de Peña Cabrera hasta El Pandu, formando todos: Les Terrientes.

Nun hai tiempu que perder, equí tán ya les primeres goteres.

 Últimu adiós a los Puertos de Val.lota,

y entainamos

a baxar

 

Entovía queda un buén peazu de camín de vuelta. En total echamos casique 8 hores de camín pa 800 mtrs de desnivel.

Aguja Roberto Magdalena

Subiendo pola Cara Sur del Monte Monsacro, col Picu Llosoriu a lo últimu.

esto ye lo que tenemos frente a nós, del otru lláu de la Foz de Morcín: Peña Manteca y Picu Rubio.

Venimos caminando desde la carretera que sube al Angliru, a la altura de l´area recreativu de Viapará y ya vamos viendo la Cume del Monsacro cola Aguya Madalena a la so mandrecha.

La Aguja Roberto Magdalena, no siempre se puede escalar porque del 1 de marzu al 31 de xunetu, anieren páxaros.

El nome de Roberto Magdalena, ye ´l que-y ponxo Bernardo Wensell F, Berni pa los collacios,

aperturista d´esta vía alpina de tres llargos, con 90 mtrs de llargu y 6A de dificultá,

en memoria del alpinista Roberto Madgalena.

Equí, tamos ya n´ultimu llargu.



De Santolín a Niembru, Llanes

De Santolín Beón (San Antolín de Bedón), dexamos la playa, cruciamos el ríu Beón, pasamos delantre ´l Monasteriu (vese ´l teyáu ena semeya) y empovinamos la cuesta que mos xube a la rasa.

Na Rasa, onde seca l´ocle, como primer pasu pa trasformase en agar-agar, nestos díis que les mareónes de Setiembre lo arrastraren a los arenales y pedréos, tenemos unes vistes precioses de monte 

y costa.

Les precioses Playes de Torimbia

y Toranda

y toda la Costa Oriental Asturiana, "Paisaxe Protexíu".

El GR E-9, Senderu de Gran Recorríu que cuerre por toda la Costa Atlántica Européa, pasa por equí,

seguímoslu hasta Niembru, y volvemos pol Camín de Santiago.

 Echamos unes tres hores en total con pocu más de 100 mtrs de desnivel.

.

Parmu, Teverga.

Ilesia con texu, horros, güertes y otros requexos pergüapos, dan-y a Parmu, Teverga un aquel que lu fai mui afayaízu.

Lo que ye que ´l so nome nun apaez nel indicador la carretera, que xube al Puertu Ventana, en so llugar hay ún que diz: Páramo. 

Va una temporadina que tovieren el detalle de poner esti lletreru los del Parque Ñatural Les Ubines- La Mesa.

Detallense equí un piñu rutes senderistes pola rodialada. 

 

Playa Cueves, Nueva, Yanes.

Detardina ´n arenal de Cueves, Nueva, Yanes.

Como llargateses, esguilen los murios mozos y moces.

   

¡Disfrutando a tope!

Peña Gradura, Teverga. 1560 mtrs

Na Pasada la calzada que mos lleva a Los Puertos desde Fabar, Proaza, tenemos una pergüapa vista de la Sierra L´Aramu. Tomáremos el camín onde ´l depósitu l´agua y vamos suniendo ente viesques, cabanes y prados,

hasta llegar a esta mayada, Vega Castru, que a primeros de Setiembre d´esti 2012, da pena ver la seca tán grande que hay.

Atraviesamos la vega y pal otru lláu vemos el Puertu San Llorenzu y El Camín Real de La Mesa.

Dende la cume, volvemos ver L´Aramu.

Tamién vemos la Peña Sobia, de la que mos separta ´l ríu Teverga.

El Picu Caldoneiru, enfrente.

El pueblu de Bustiel.lu, Proaza.

Los Puertos de Maraviu.

Na más queda baxar pende subiemos.

mientres siguimos esfrutando ´l paisaxe como esti de la Peña Sobia.