El Cerreos, L.lena, 2101 mtrs

Güey, toca dir al Parque Ñatural de Les Ubiñes-La Mesa. L.levamos los esquís al l.lombu desde ´l pueblu de Tuiza d´Arriba, por Les Campes, hasta la vega ´L Meicín.

Delantre ´l refuxu ´L Meicín, (1560 mtrs) guardáu por Xuacu, buén cocineru y meyor colláciu, calzamos los esquís.

Mientres que subiemos, vamos viendo: Puerte d´Arcu, Los Castillinos, El Siete, El Crestón del Pasu Malu, ...

Vamos l.lgando al Col.láu Terréos, 1882 mtrs, y ya vemos delantre la Peña Cerreos, 2101 mtrs,

más allá, separtada polos Puertos de Retuertu, La Pena Ubina Pequena (Peña Ubiña Pequeña), 2189 mtrs.

L´últimu esfuerciu pa l.legar

a la cume del Cerréos. Trás de nós: El Farinentu,2174 mtrs.

Delantre, la imponente Pena Ubina (Peña Ubiña), 2417 mtrs.

Trincheres l´última guerra na mesma cume del Cerréos. A lo últimu: otra vegada  Pena Ubina Pequena (Peña Ubiña Pequeña), 2189 mtrs, ¡tán alpina!.

La Mesa, La Tesa, La Almagrera. Embaxu de nós: Los Puertos de Cerréos.

Cabera güeyada a Pena Ubina.

Na más queda volver al coche, que mos trexo pola A- 66 hasta Campumanes y dempués pola LN-8.

El Albo Occidental. Somiedu

Dempués de 5 kmtrs caleyando, l.legamos a L.lagu del Val.le. Buscamos el P.R. As-15 a la manzorga y tomámoslu en sén noreste.Al l.legar a la fuente, desviámonos penriba. Per una vira ´l ganáu, vamos buscando una cuevina que tién un muriu delantre; a la so manzorga, hay una pasada que mos dexa a la vera los foyos que dende equí lleguen hasta la Peña ´L Colláu del Albo y vemos ya ´l Picu Albo Occidental, al completu.
otra vez el L.lagu ´L Val.le y tamién el Picu Mortera, 2018 mtrs.Les Morteres y la Pena L.lana,...Subiemos pel cantu que va hasta un múriu grande, ya muy arriba y rodiándolu, pela mandrecha, siguimos subiendo pegados a élHasta L´Arista Cumera.
A lo últimu, la Cordalera d´Ubiña.El L.lagu Calabazosa, como todos los demás del Val.le Saliencia, xeláu. El Val.le ´L L.lagu.L.lagu ´L Val.le, xeláu al completu, esti Domingu de Ramos de 2012.Cume de L´Albo Occidental, en Parque Ñatural y Reserva la Biosfera de Somiedu. A lo últimu: Peña Orniz, Cuetu Crespu, Muria Brava.Lleendo la tarxeta que dexó daquién.
Volvemos sobre los nuesos pasos hasta la fuente y tomamos otra vez el camín nel mesmu sén, hasta ´l coche que tenemos aparquíau en L´Oteiru, Val.le ´l L.lagu, Somiedu, Asturies, ú l.legamos 5 hores dempués.La última güeyada colos prismáticos.

De San San Cristóbal a Silviel.la, Balmonte Miranda

Entamamos a caleyar en San Cristóbal, Balmonte Miranda.Xunta la parada l´autobús, na mano contraria a l´ilesia y un pocu más allá, según vamos pola carretera As-227 en direución a Somiedu, atopamos esti lletreru que mos va llevando pueblu alantre hasta la piscifactoría.

Güey, La Xerra del Cauríu, na mecedura los ríos Pigüeña y Narcéa, nun se ve bién pola borrina.Dempués de pasar delantre unes ruínes de lo que paez una minicentral llétrica ó quiciabes lo seyan d´un molín ó una frágua ó un mazu,entramos dafechu nún castañéu con delles de cuerries, derrumbades les más.
...............¿Seria ´l picaniellu el que fexo los furacos?.
Tamién hay otros árboles nesti bosque sombríu y húmedu, como se pué ver pol mofu los cartelos, polo que ye la cuenta pa pasiálu ´n branu.
...
...
...
...
...
...

...
Los ñeños pueden entretenese bién d´ello buscando los tueros, fueyes, frutos y tamién los ñeros, páxaros y demás.
El camín métese baxu ´l canal,

pa dempués xubir por riba d´él

y más allá volver baxar,

tóu ello con cuestines siavines. El potrín mamando llechi calentino y de calidá, como nun diba ser menos col buén campu que pastia la yegüa.

...

...

Llegamos a l´ ária recreatívo de Las Llavanderas, nel que hay un mirador atecháu que ye la cuenta pa guardase en casu llover, diseñáu pol artista villaviciosín Pablo Maojo.

Lletreros desplicativos, enséñenmos el saltaderu los salmones,

y subidos a la compuerta la presa que lleva
l´agua al canal, contemplamos el pueblu de Silviel.la dempués de dos hores de camín.