Más arriba de San Roque

Desde la Capilla San Roque, Cuideiru, camín arriba, vemos pal ocidente toda la Costa Valdés

Tamién a los nuesos piés los rios: Reguiru ´L Cabanón y Regueiru Nalgón que van al Regueiru Busmarzu que muerre nel Riu Ricáu y esti na Playa Ricau.

El ríu Ricau y el Regueiru Busmarzu, son la llende ente los conceyos de Cuideiru y Valdés.

Siguimos carretera y al sur apaez la Sierra Los Vientos.

Enllena viradeles.

Ballena

Estes dos semeyes fexes na dársena y la rula, tan sacades del archivu fotográficu de

http://llastres.com/ y http://buscolu.com/

Llastres foi puertu balleneru, sobretóu nos sieglos XVII y XVIII,
yeren tiempos nosque les ballenes averávense más a estes costes.
Nun documentu del añu 1637, estimábase la ganancia la costera en 100.000 riales.

Daquella, el muelle era munchu más pequeñu que agora y les playes de L´ Escanu y L´Astilleru yeren pedréos con un poqueñín d´arena, na más que L´Arenal (ena Griega) era de sable.

Les "llastres" de la playa L´Astilleru, yeren el meyor sítiu pa avarar les ballenes que les lanches podíen arrastrar hasta ellí a marea alta y que pareyes de güés ayudaben a tirar d´elles lo más a tierra posible.

A la baxamar, los homes podíen ya a cortala en peazos grandes y llevala en carros de güés hasta la fatoría que había en La Cuesta ´L Muelle pa ellí tratala y facer d´ella grases de distintes calidades, usades pa dar llume a faroles y pa más coses; la más ruina d´elles llamábase "saín".

Mirador del Fitu

Bahía Llastres vista desde ´L Fitu na mañanina del 31 de xunetu de 2010

Xornáes del Sueve

Acanbante fallase ´l prémiu del "13º Concursu Fotográficu del Sueve", Premiu Josefina Pis, presentovos la titulada "Xeometría", que llevó un prémiu accesit, na categoría llocal.

La mesma autora presentó estes otres dos semeyes que l´ acompangen.

Mirador de San Roque, Cuideiru

Pal Este: Cabu Vidio y Playa ´L Silenciu, Cuideiru.

Más lloñe

Frente a nós

Con otra lluz

La llanada ú ta la capilla y ´l horru

El santu

De la puerte casa a la mar

Güey, cerramos la puerte casa na Sierra Los Vientos, Cuideiru y vamos bañamos na mar

Pal sur, nos cumales, los viradeles tán quietos, non ruxen; güey nun hay aire

Na cuenye la manzorga, ñáz el riu Panizal que muerre nel riu Esqueiro y que tamién va a la mar como nós, pero él, a la playa San Pedro La Ribera en Cuideiru

Diendo camín abaxu

Llegamos a la carretera: As-222 que va de Brieves, Valdés (N-634) a Castañéu, Cuideiru (N-632), pasando por San Martín de Lluiña(Cuideiru)

Desde ´l Cabu Vidio, Cuideiru, veo los viradeles de detrás de casa

Requexinos

Esta playa de Requexinos, está separtada a marea alta de la del Sablón, tamién nomada Playón de Bayas y que ye Monumentu Ñatural

Tá ´n conceyu Castriyón

y polo que vemos na semeya, amás de nudista, ye bona pa la pesca con caña y pa la piragüa

Esti home, aprovéchalo tóu

mirá-y-lu

Dexámoslu pescar tranquilu, nun vamos esperar a la pleamar pa ver como sal d´ahí cola piragua

San Matéu

Ye persabíu que ayeri 21 setiembre, Uvieu, como tolos años, celebró la fiesta ´l patrón, pero pocos saben ú ta la ilesia dedicada a él.

Equí la tenéis, con estatua y tóu.

Ente dos puertos: de La Marta a Bustantíu

Paséu col coche ente estos dos puertos del Conceyu d´Ayande, poles carreteres All-4 y All-5 Un pocu más arriba de la carretera tenemos pal este ´l Hospital, 1226 mtrs y pal oeste Picu Quemáu 1157 mtrs, los dos na llende los conceyos Tenéu y Ayande

Desde esti colláu vemos el Picu Mul.leiroso de 1254 mtrs y cume más alta de Tenéu y la cuenye onde ñaz el riu Navelgas

Lo mesmo

Braña El Campel

Picu Mul.leiroso y argayos de les voladures emplegades polos romanos nes mines d´ oru

Lletreru desplicativu.

Siguimos camín de Villayón

Centru Teunolóxicu de Dinamización Cultural

Tania trabaya na biblioteca de Llastres y nel CDTL de Llastres y Colunga y tién un bloge muy prestosu. El llabor que fai colos veceros de lo que enantes se llamó telecentru, ye muy grande y tamos-y abondu agradecidos. equí vos queda esti enllaz: