Doiras, Bual

El llibru de 100 PR, de la Federación de Montaña del Principáu D´Asturies, diz que esta ruta mide 17 kmtrs y lleva 5 hores facela. A nós, llevomos más de 6.
Pueblu de Doiras, Bual, onde entamamos.
el camín va penriba l´embalse de Doiras, nel ríu Navia.
De sópitu, el Picu El Cuco y la paréa pende vamos baxar.
Abaxu, la aldeína de Froseira.
El Picu El Cuco, asoma pente la viesca.
Un buén camín, va metiéndomos, en llanu,a una garganta

y lluéu, va garrando cá vez más pendiente y abriendose, valle del ríu Urubio alantre.

En cambiu, la borrina, valle abaxu, va cerrandose.

Cume Picu ´L Cuco.

El camín de baxar,ya ye más estrechu y en dellos de sitios tá tomáu.

Volvemos ver el pantano.

Un momentín que paremos a güeyar, ye lo bastante pa que la color cambie

y vuelva cambiar.

Canales verticales,

con buén senderu,

llévenmos al mirador.

Al fondu, la presa del embalse de Doiras, el segundu de los tres del Ríu Navia.

El camín que tomamos pa salir del pueblu de Doiras.

La aldeína de Froseira.

El camín, empínase de veres baxu estes peñes, pa llegar a la Cova del Demo.

La última mirada al Picu El Cuco,

antes de colar pente ´l felenchal,

dexando tras de nós el Mirador.

El valle del ríu Navia, agües arriba.

Arriondu del ríu Urubio, embalsáu.

Aldeína de Froseira: lleé-y con detenimientu,

ferrería,

única casa habitada tóu l´añu (baxu El Cuco),

peñerina nueva, bién peñera, dicía mio güelu.

En ríu Urubio, puntu más baxu la ruta. Enriba destes peñes: El Picu El Cuco de casi 800 mtrs, el Mirador y la Cova del Demo.
Na más queda llegar al coche col tiempu xustu de nun tener que abrir los paragües.

Peña Riegos

Precioses vistes de la subida
hasta esti colláu,
onde mos desviamos,
campu a traviés,
primero ente praos y camperes,
dempués per viesques y respingues,
hasta la cume

...

de la Peña Riegos, de más de 1300mtrs.

El Parque de Redes, tán impresionante, tán ..., nun somos quién a dexar de mirar y mirar a todes partes.

Baxando ya, paramos un buén peazu nesta campera tán preciosa, colgada al noroeste.

Volvemos a la pista dando un rodéu a la Peña,

y siguiendola, contemplamos el pueblu y embalse de Tañes,

dende ´l bancu desti mirador .

Al pocu, l´ aria recreativu de La Trapa, más allá pasamos penriba l´aldea de Buspriz y na más queda baxar a Cobayes, Casu, onde vemos el lletreru de PR. Depués siguir al coche, aparquiáu 2 kmtrs más allá del cuartel de bomberos, en Llinares, del lláu mesmu del pantanu.

Cazu, Ponga

Vamos d´ escursión. (semeya desde la Collada Cetín)
De Sevares, Piloña, pola carretera As-334 a la Collada Cetín y baxando, pasamos pol pueblu de Cazu y siguimos a Sellañu , onde atopamos la As-261, que mos lleva a la capital pongueta San Xuan de Beleñu.

Ríu San Pedro

Metémonos a él per una viesca escura.
Al principiu poces y depués marmítes.
Primero rápeles curtios y lluego llargos.
Vamos viendo ´l sol cá vez más cerque.

A lo últimu, lluz al acabar la garganta, pocu antes de llegar al ríu Seya.

El Monsacro

El Monsacro, vistu desde la carretera que va de Riosa a L.lena.

Ruta Les fuentes d´Omaña, Lleón

Ruta circular de 700 mtrs de desnivel en cada sén y 10 kmtrs de llargu.
Empecipia nel ayuntamientu de Murias de Paredes, onde hay un lletreru desplicativu. Sigue pol pueblu de Montrondo,
y valle arriba por una pista que, más allá, pasa por delantre de una gran fuente
y xunta un bosque d´ abedugos.

...

...

...

Al final del valle, dexamos la pista y les marques blanques y marielles, métenmos a un camín antíguu

que depués de cruciar el ríu, va virando hasta metemos a otru valle más pequenu y más altu.

y atraviesándolu,

llévamos a la collada

...

...

na que apaez allá lantrones el macizu Peña Ubiña.

...

Salimos a otra pista,

...

que valle abaxu,

...

mos va llevando al Puertu la Madalena, onde vemos les ruines la ermita, mientres bebemos na fuente.

pol camín vieyu (d´antes de la carretera Le-493),

volvemos.